کانگریس پارٹی کے امیدوار عارف نسیم خان کے خلاف سوشل میڈیا پر ایک فیک ویڈیو وائرل ہوا ہے جس میں پاکستان زندہ باد کے نعرے لگائے گئے ہیں۔
اس وائرل ویڈیو پر کانگریس سے راجیہ سبھا کے رکن حسین دلوائی کا کہنا ہے کہ یہ تنگ نظر فرقہ پرستوں کی سازش کا ایک حصہ ہے۔
انھوں نے مزید کہا کہ عارف نسیم خان ایک ممتاز سیاست داں ہیں جبکہ ایک عام مسلمان سےاس طرح کی کوئی غلطی سر زد نہیں ہوئی تو عارف نسیم خان سے ایسی توقع کیوں کر کی جاسکتی ہے۔
حسین دلوائی نے خدشہ ظاہر کیا ہے کہ مسلم امیدواروں اور سیاسی رہنماؤں کے خلاف بھی اس طرح کے فیک ویڈیوز منظر عام پر آسکتے جبکہ عارف نسیم خان نے الیکشن کمشنر سے اس وائرل ویڈیو کی شکایت درج کروائی ہے۔
حسین دلوائی نے اس طرح کی فیک ویڈیوز کی مذمت کرتے ہوئے سازش کرنے والوں کے خلاف تفتیش کامطالبہ کیا ہے۔
