اورنگ آباد: مہاراشٹر کے ضلع اورنگ آباد میں ریڈ اینڈ لیڈ فاؤنڈیشن کی جانب ڈاکٹر امبیڈکر ریسرچ سینٹر میں عید ملن پروگرام کا آج انعقاد کیا گیا جس میں تمام مذاہب کے لوگوں نے بڑی تعداد میں شرکت کی۔ اس دوران معروف اسلامی اسکالر عبدالمجید پاریکھ نے تقریب میں شامل لوگوں سے خطاب کرتے ہوئے کہا کہ 'آج ہمارے ملک میں ہندو اور مسلمان کے درمیان کشیدگی کا ماحول تیزی سے بنایا جارہا ہے، لیکن انسانیت کی کسی کو کوئی فکر نہیں ہے جو خطرناک ہے۔ Eid Milan program held in Aurangabad
مزید پڑھیں:
وہیں تقریب سے خطاب کرتے ہوئے معروف اسکالر ڈاکٹر سمیتا اوچار نے کہا کہ ماضی میں معاشرے کی اصلاح کے لیے زندگیاں وقف کردینے والے قوم کے مصلحین کو فراموش کردینا ہمارے سماج کی بے حسی کو اجاگر کرتا ہے۔ انہوں نے یہ بھی کہا کہ جیوتی با پھلے کے ساتھ پوری زندگی تعلیم کے لیے وقف کرنے والی فاطمہ عثمان شیخ کے بارے میں مراٹھی زبان میں زیادہ جانکاری نہیں ملتی ہے۔
انہوں نے مزید کہا کہ اب ہماری مجبوری یہ ہے کہ مجھے اردو سے واقفیت نہیں ہے۔ اگر اردو سے واقفیت ہوتی تو میں اس زبان میں ریسرچ ضرور کرتی۔ اس موقع سے تقریب میں شریک تمام افراد کو شیر خورمے تقسیم کیے گئے۔
