لاک ڈاؤن کے سبب عبادت گاہوں پر قفل لگنے کے بعد سابق رکن اسمبلی بشیر موسیٰ پٹیل اور جمعیت علما کے وفد نے حکومتی عہدے داران سے ملاقات کر کے مساجد کو جلد سے جلد عبادت کے لئے کھولنے کی مانگ کی ہے۔
سابق رکن اسمبلی بشیر موسیٰ پٹیل نے کہا کہ 'حکومت نے کورونا وائرس (کووڈ-19) پر قابو پانے کے لئے جو نمایاں کردار ادا کیا ہے اس سے انکار نہیں کیا جا سکتا، لیکن عوام کے مذہبی جذبات کو حکومت کو سمجھنا چاہیے'۔
بشیر موسیٰ پٹیل کہا ہے کہ 'حکومت کو جلد سے جلد ممبئی سمیت پورے مہاراشٹر کی مساجد کو کھولنے کی اجازت دینی چاہئے۔ تاکہ لوگ اپنی مذہبی فریضے کو آسانی سے اور یکسوئی کے ساتھ ادا کر سکے'۔
جمعیت علما سے وابستہ مفتی سعید الرحمن نے کہا کہ 'پورے ملک میں مساجد کو عوام کے لئے کھول دیا گیا ہے صرف مہاراشٹر میں ہی اس پر پابندی عائد کی گئی ہے۔ اس لئے حکومت کو چاہئے کہ اس بات کو مدنظر رکھتے ہوئے ریاست بھر میں مساجد کو کھولنے کی اجازت دیں'۔
کورونا وائرس (کووڈ-19)کے پیش نظر ریاست مہارشٹر میں عبادت گاہیں پوری طرح سے بند ہیں۔
مزید پڑھیں: ریاستی وزیر کی مرکزی وزیر داخلہ پر نکتہ چینی
واضح رہے کہ حال ہی میں بی جے پی نے حکومت کو گھیرنے کی کوشش کی لیکن کورونا کی وارداتوں میں اضافے کے ضمن میں ریاستی حکومت نے عبادت گاہوں پر پابندی برقرار رکھی ہے۔
