ریاست مہاراشٹر کے اورنگ آباد شہر میں رمضان کے موقع پر ٹوپیوں کی دکانوں میں مختلف ممالک کی ٹوپیاں نظر آرہی ہے جسے خریدنے کے لیے نوجوانوں کا ہجوم دکھائی دے رہا ہے، بیرونی ممالک سے آئیں ٹوپیوں کی مانگ میں زبردست اضافہ ہو رہا ہے جس میں افغانی ٹوپی، ملیشیائی ٹوپی اور کائی ٹوپی نوجوانوں کی پہلی پسند ہیں جبکہ پچاس سے زائد اقسام کی ٹوپیاں بازار میں دستیاب ہے۔ تاجروں نے کہا کہ بیرونی ممالک کی ٹوپیوں میں ملیشیائی اور افغانی ٹوپی کو خوب پسند کیا جارہا ہے۔ Caps from Foreign Countries Selling in Aurangabad
رمضان المبارک میں مسلم نوجوانوں کے چہروں پر جو رونق آتی ہے اس کی ایک وجہ خوبصورت ٹوپیاں بھی ہوتی ہیں، رمضان کے مہینے میں ہر مسلمان کا ناطہ ٹوپی سے جُڑ جاتا ہے اس لیے ٹو پیوں کی مانگ میں بھی خاطر خواہ اضافہ ہوجاتا ہے، اورنگ آباد کے بازار میں آپ کو ہمہ اقسام کی ٹوپیاں مل جائے گی ٹوپیوں کے کاروبار سے وابستہ تاجروں کا کہنا ہیکہ افغانی ٹوپی سے لیکر ملیشیائی اور کائی ٹوپی تک دستیاب ہیں، اس طرح پچاس سےزائد اقسام کی ٹوپیاں ہیں ان میں ملکی اور غیر ملکی دونوں شامل ہیں۔
