ممبئی کانگریس کے صدر جگتاب نے ایک پریس کانفرنس میں بتایا کہ لاک ڈاؤن کے بارے میں مختلف قیاس آرائیاں کی جا رہی ہیں لیکن کانگریس کی رائے اس بارے میں بالکل واضح ہے کہ ریاست میں دوبارہ لاک ڈاؤن نہیں ہونا چاہیے۔
جگتاب نے کہا کہ حکومت کورونا سے نمٹنے کے لیے جو سخت اقدامات نافذ کررہی ہے اس سے اسکولوں کے امتحانات بری طرح متاثر ہوں گے۔
اسکول کے ذمہ داران اور اساتذہ کا مطالبہ ہے کہ حکومت پہلی جماعت سے سے نویں جماعت اور گیارہویں جماعت آف لائن یا آن لائن امتحانات کی اجازت دے۔
جگتاب نے کہا کہ میں ریاستی وزیر تعلیم ورشا گائیکواڑ سے اپیل کرتا ہوں کہ اسکولوں کو آن لائن یا آف لائن امتحانات کی اجازت دی جانی چاہیے۔
اس موقع پر ممبئی کانگریس کے سی ای او چرنجیت سنگھ سپرا، خزانچی بھوشن پاٹل اور جنرل سکریٹری سندیش کونڈ ویلکر کے ساتھ موجود تھے۔
جگتاب نے مزید کہا کہ جب پچھلے سال لاک ڈاؤن ہونے کی وجہ سے ریاستی عوام کو کس قدر پریشانیوں اور مشکلات کا سامنا کرنا پڑا تھا۔ یہ بات کسی سے پوشیدہ نہیں ہے ہر کوئی جانتا ہے کہ مزدور، چھوٹے بڑے صنعتکار کے ساتھ عام اہالیان شہر ایک خوفناک صورتحال سے گزر چکے ہیں۔
لوگوں نے اپنی زندگی کی جمع پونجی خرچ کر کے لاک ڈاؤن کا سامنا کیا۔ ریاست میں اب اگر لاک ڈاؤن دوبارہ نافذ کردیا گیا تو اس کے سنگین نتائج برآمد ہوں گے۔ اسی لیے کانگریس کسی بھی حالت میں لاک ڈاون کی اجازت نہیں دے گی۔
لہذا حکومت کی معلومات اور ہدایات کے بعد ممبئی کانگریس کے بی ایم سی انتخابات کے لیے تشکیل دی گئی۔ ممبئی کانگریس کے نو تشکیل شدہ ایگزیکٹو اور سکروٹنی کمیٹی کی میٹنگ اگلے نوٹس تک ملتوی کر دی گئی ہے۔
