بیان میں کہا گیا ہے کہ سوامی نرسنگھانند سرسوتی نے رسول اللہ صلّی اللہ تعالیٰ علیہ والہ وسلم کی بے ادبی پر مشتمل اپنے گستاخانہ بیان سے مسلمانوں کے جذبات کو مجروح کیا ہے۔ ہم سب کچھ برداشت کر سکتے ہیں لیکن حضور کی توہین ہرگز گوارا نہیں کر سکتے۔
میڈیا نمائندگان سے گفتگو کرتے ہوئے غلام مصطفیٰ رضوی نے کہا کہ پیغمبر امن و محبت پیارے آقا صلی اللہ علیہ وسلم کی توہین کر کے نرسنگھانند سرسوتی نے متشدد فکر کا اظہار کیا۔ ایسی حرکت غیر انسانی بھی ہے اور دہشت گردانہ بھی، ہمارا مطالبہ ہے کہ قانون کی سخت دفعات عائد کر کے گستاخ پر فوری کارروائی کی جائے۔
غلام مصطفی رضوی نے مزید کہا کہ اگر حکومت نے اس حساس معاملہ میں ملک دشمن نرسنگھانند پر کارروائی نہیں کی تو عاشقانِ رسول سخت ترین قانونی اقدام پر مجبور ہوں گے کیونکہ ایسے امن دشمن و ملک دشمن گستاخ کا وجود ملک کی سلامتی کیلئے سنگین خطرہ ہے۔
اس تعلق سے عمران رضوی اور رئیس احمد رضوی نے کہا کہ ہمارے دل زخمی ہیں کہ گستاخ آزاد ہے۔ اس کی پشت پناہی فرقہ پرست طاقتیں کر رہی ہیں جس کے سبب گستاخانہ حرکتیں مسلسل کی جا رہی ہیں۔ اس موقع پر ڈی وائے ایس پی لتا ڈونڈے نے کہا کہ پولیس انتظامیہ وفد کے مطالبات آگے فارورڈ کریں گے اور کارروائی کے سلسلے میں اپنی جانب سے ضروری اقدام بھی کریں گے۔
اس طرح کے تیقن کے بعد وفد رخصت ہوا۔ اس موقع پر سنی جمعیۃ العلماء و سنی کونسل کے الحاج یوسف الیاس، غلامان عسجد رضا فاؤنڈیشن کے محمد عمران رضوی، نوری مشن کے غلام مصطفیٰ رضوی، فرید رضوی، یاسین رضا، سعد رضوی، غریب نواز اکیڈمی کے رئیس احمد رضوی، درگاہ معصوم شاہ کے نورالعین صابری، اکبر اشرفی، حافظ اسماعیل یارعلوی نیز -زماں رضوی، نعیم رضوی وغیرہ موجود تھے-
