تھانے شہر کی اولہ ماجیواڑہ اسمبلی حلقہ سے مہاراشٹر نونرمان سینا کے امیدوار سنیپ پاچنگے نے گذشتہ دنوں برسات میں گھوڑ بندر روڑ پر سڑکوں پر پڑے گڑھوں کو بھرنے کے لیے منفرد انداز میں احتجاج کرتے ہوئے تھانے کے رکن اسمبلی ایکناتھ شندے اور ریاستی وزیر چندر کانت پاٹل کی تصاویر کی ان گڑھوں میں پینٹنگ کروائی تھی۔
جس کے بعد مقامی پولیس اسٹیشن میں سندیپ کے خلاف تعزیرات ہند کی دفعات137،(3)37 کے تحت معاملہ درج کر انھیں گرفتار کرلیا تھا لیکن بعد میں انھیں ضمانت پر رہا کردیا گیا اور کہا گیا کہ تمام کارروائی انتخابات مکمل ہوجانے کے بعد کی جائے گی۔
ابو عاصم اعظمی کا ساتھ دیں: اویسی
لیکن ادھر ایک بار پھر اس کیس کے سبب پولیس کی جانب سے کاروائی شروع ہوجانے سے ایم این ایس امیدوار کو اپنی انتخابی تشہیر و مہم چھوڑ کر کورٹ کچہری و پولیس اسٹیشن کے چکر کاٹنے پڑ رہے ہیں۔
واضح رہے کہ مہاراشٹر میں اسمبلی انتخابات کے لیے ووٹنگ 21 اکتوبر کو ہوگی اور اس کے نتائج 24 اکتوبر کو آئیں گے۔
اس تعلق سے تمام پارٹیوں کے امیدوار ووٹرز کو اپنی طرف راغب کرنے کے لیے نت نئے و منفرد طریقے اختیار کررہے ہیں لیکن کبھی کبھار ان کی یہ حکمت عملی ان ہی کے لیے نقصان دہ ثابت ہوتی ہے۔
