بھارتی ریاست مدھیہ پردیش کے دارالحکومت بھوپال میں میڈیا ایسوسیٹ نے 'عید ملن پروگرام' منعقد کیا- اس موقع پر تنظیم کے ذمہ دار عابد خان نے بتایا اس عید ملن پروگرام کا مقصد بھوپال کی روایتی گنگا جمنی تہذیب کو برقرار رکھنا ہے-
انہوں نے کہا 'چاہے وہ کسی بھی مذہب کا تہوار ہو مل جل کر منایا جائے تاکہ قومی یکجہتی برقرار رہے'۔
اس پروگرام میں شریک بھارتیہ جنتا پارٹی کے سابق پارلیمانی رکن آلوک سنجر نے کہا ہمارا ملک گنگا جمنی تہذیب کی مثال ہے-
یہاں سبھی مذاہب اور ہر طبقے کے لوگ مل جل کر رہتے ہیں اس لیے سبھی تہواروں کو مل جل کر منایا جائے تاکہ قومی یکجہتی قائم رہے۔ ساتھ ہی اس طرح سے تہوار ساتھ منانے سے آپسی محبت بڑھے گی اور بھائی چارہ قائم ہوگا -
انہوں نے کہا 'ہم نے تہوار بہت قریب سے دیکھا ہے اور اس بار جون کی شدید گرمی میں مسلم طبقے کو روزہ رکھتے دیکھا ہے۔ میں انہیں سلام کرتا ہوں'-
علاوہ ازیں انہوں نے کہا 'ہم ایسے موقع پر ملک کے امن و سکون کے لیے دعا کرتے ہیں اور ملک میں قومی یکجہتی قائم رہے اس کی دعا کرتا ہوں'۔
