بس اور میجک گاڑی کی ٹکر میں تین کی موت

مدھیہ پردیش کے ضلع رائے سین کے غیرت گنج کے نزدیک گڑھی گھاٹی پر آج علی الصبح بس اور میجک گاڑی کی زبردست ٹکر میں میجک میں سوار تین لوگوں کی موت ہو گئی۔

پولیس ذرائع کے مطابق بھوپال سے ساگر جا رہی بس کی غیرت گنج کے قریب گڑھی گھاٹی پر سامنے سے آ رہی میجک گاڑی سے ٹکر ہو گئی۔ حادثے میں میجک سوار تین لوگوں کی موقع پر ہی موت ہو گئی ہے۔ مرنے والوں کی شناخت سلیم، عمران اور زبیر کے طور پر ہوئی ہے، جو ساگر ضلع کے راحت گڑھ کے رہنے والے تھے۔
پولیس نے کیس درج کرکے تحقیقات شروع کر دی ہے۔