پانی سے بھرے گڑھے میں ڈوبنےسے تین بچوں کی موت

مدھیہ پردیش کے ضلع ساگر کے بینا تھانہ علاقہ میں آج پانی سے بھرے گڈھے میں ڈوبنے سے تین لڑکوں کی موت ہوگئی جس میں دو سگے بھائی ہیں۔

پولس ذرائع کے مطابق شاستری وارڈ نئی سبزی منڈی کے پیچھے ایک کامپلیکس کے قریب اووربرج کی تعمیر کرائی جارہی تھی۔

برج کی تعمیر کے لئے پلر کھڑے کرنے کے لئے گڈھے کھودے گئے تھے۔ لاک ڈاون کے سبب کام بند ہوگیا تھا اور بارش سے ان گڈھوں میں پانی بھر گیا ۔

صبح بچے ان گڈھوں میں نہانے کے لئے گئے جہاں ڈوبنے سے ملو (16)، کانہا (9) اور امیش (12)کی موت ہوگئی ۔ کانہا اور امیش دونوں سگے بھائی ہیں۔

پولس نےرپورٹ درج کرکے تحقیقات شروع کردی ہے۔