ضلع اندور کا مینی ممبئی کہے جانے والا شہر جو صوبے میں اپنی الگ ہی پہچان رکھتا ہے یہاں محرم الحرم چاند نظر آنے کے بعد دس دن تک تعزیہ داری اکھاڑے کی تقریبات کا انعقاد کیا جاتا ہے مگر رواں برس کورونا وبا کے پیش نظر انتظامیہ نے اجتماعی تقریبات پر پابندی عائد کر رکھی ہے۔
تعزیہ اور اکھاڑے
آج یوم عاشورہ ہے اور ہر سال آج کے دن صنعتی شہر اندور کے اکھاڑے اور تعزیے جلوس کی شکل میں کربلا میدان جاتے ہیں مگر اس بار انتظامیہ نے جلوس کو اجازت نہیں دی۔
حالانکہ کی لوگوں کو یہ توقع تھی کہ انتظامیہ سرکاری تعزیہ تو کربلا لے جانے کی اجازت دے گی، جس کی زیارت کے لئے لوگ لاک ڈاؤن کے باوجود زیارت کے لیے امام باڑہ پہنچ رہے تھے مگر انتظامیہ نے سخت انتظام کر رکھا تھا جس سے زائرین مایوس اور غمزہ نظر آئے۔
