بھوپال کے خانقاہ باغ قمرمیں نعتیہ پروگرام کا اہتمام

رسول پاک صلی اللہ علیہ وسلم کی ولادت باسعادت کی مناسبت سے بھوپال کے خانقاہ باغ قمر میں جلسہ سیرت پاک و نعتیہ پروگرام کا اہتمام کیا گیا۔

نعتیہ پروگرام میں بھوپال شہر کے اور اطراف کے شعراء نے شرکت کی۔

اس موقع پر شعراء کرام نے کہا کہ' حضور صلی اللہ علیہ وسلم کی سیرت لفظوں میں بیان نہیں کی جاسکتی۔ آپ کی سیرت کو قرآن کریم میں بیان کیا گیا ہے۔

اس موقعے پر موجود ادیب و شعرا نے اپنے اپنے انداز میں سرکار دو عالم کی مدح سرائی کرنے کی کوشش کی۔

• جس نے ہمیں سکھایا قرینہ تم ہی تو ہو
  اللہ تک پہنچنے کا زینا تم ہی تو ہو
  اللہ کے خزانے میں اللہ کی قسم
  ہیں سب سے قیمتی نگینہ تم ہی تو ہو
  
  
• نہیں ہے جس میں ذکر کوئی اہل ایماں کا
  وہ بات ہمارے دل پر اثر نہیں کرتی
  نقوش پائے محمد کا فیض ہے اس پر
  زمین کرتی حرکت مگر نہیں کرتی
  
  
• ہر امتی کو بچائیں گے نارِ دوزخ سے
  خدا نے بھیجا ہے خیرالبشر جہاں کے لیے
  
  
• پیاس ہے کتنے لوگ سمندر کے باوجود
  دنیا بھٹک رہی ہے پیامبر کے باوجود
  سرکار بن پروں کے وہاں تک پہنچ گئے
  جبریل جاسکے جہاں پروں کے باوجود
  
  
• نعت پاک رسول خدا مرحبا مرحبا
  آمدے مصطفی مرحبا مرحبا
  بخش دے دشمنوں کی خطا مرحبا
  مصطفی کی ہر ایک ادا مرحبا مرحبا