کاروبار میں اعتماد کی بڑی اہمیت ہوتی ہے، اور جب کوئی یہ اعتماد توڑ دے تو پریشانیوں کا سامنا کرنا پڑتا ہے۔ ایسا ہی ایک معاملہ پیش آیا اندور میں، جہاں گوالیئر کے سنار نے اپنے ملازموں کو 81 لاکھ روپے کے زیور خریداری کے لیے صنعتی شہر اندور بھیجا تھا مگر ملازموں نے ہی ڈاکہ ڈال کر جھوٹی کہانی بنا کر مالک کو سنا دی ۔
ڈی آئی جی روچی وردھن مشرا نے بتایا کہ ملار گنج تھانہ علاقے میں دو مارچ کو ایک واقعہ پیش آیا، جب گوالیر کے سنار نے اپنے ملازموں کو 81 لاکھ روپے کے زیور خریداری کے لیے صنعتی شہر اندور بھیجا تھا مگر ملازموں نے ہی ڈاکہ ڈال کر جھوٹی کہانی بنا کر مالک کو سنا دی تھی۔
جب پولیس نے اس معاملے میں تفتیش شروع کی تو سارے معاملے کا پردہ فاش ہو گیا کہ ملازموں نے ہی اس واردات کو انجام دیا۔
ان کے پاس سے61 لاکھ روپے برآمد کرلیے ہیں اور اس جرم میں شریک چھ ملزموں کو گرفتار کرلیا ہے، ان کے دو ساتھی ابھی فرار چل رہے ہیں۔
