نرمداپورم: مدھیہ پردیش کے نرمداپورم ضلع کے پچمڑھی میں فرقہ وارانہ ہم آہنگی کو بگاڑنے کی کوشش کی گئی۔ سماج دشمن عناصر نے پچمڑھی کے ضلع محلہ کی پہاڑی پر بنی قدیم درگاہ کو نقصان پہنچایا اور اسے بھگوا رنگ سے رنگ دیا۔ درگاہ سے وابستہ لوگ پچمڑھی پولیس اسٹیشن پہنچے اور معاملے کی شکایت کی، ساتھ ہی اسٹیشن انچارج سے سماج دشمن عناصر کو جلد سے جلد پکڑ کر کارروائی کرنے کا مطالبہ کیا۔ اس کے علاوہ لوگوں نے درگاہ کی تعمیر نو اور سیکورٹی کا بھی مطالبہ کیا۔
ایک ماہ سے درگاہ کو نقصان پہنچانے کی کوشش: درگاہ کے خادمین نے بتایا کہ 'پہاڑی پر جلال صاحب کی درگاہ تقریباً 300 سے 400 سال پرانی ہے۔ یہاں تمام مذاہب کے لوگوں کے عقائد جڑے ہوئے ہیں۔ درگاہ پر ہر مذہب کے لوگ اپنی خواہشات پوری کرنے آتے ہیں۔' درگاہ سے وابستہ حنیف خان اور محمد شاہد خان نے بتایا کہ 'گزشتہ ایک ماہ سے درگاہ کے ساتھ چھیڑ چھاڑ کا سلسلہ مسلسل جاری ہے۔ حال ہی میں درگاہ کو نقصان پہنچایا گیا ہے۔ مزار کو زعفرانی رنگ سے رنگ دیا گیا اور مزار پر مٹی ڈال دی گئی۔'
سکیورٹی فراہم کرنے کا مطالبہ: درگاہ کے خادمین نے کہا کہ 'سماج دشمن عناصر نے درگاہ کو نقصان پہنچایا ہے۔ جس کی شکایت اسٹیشن انچارج رویندر پراشر سے کرتے ہوئے انہوں نے کہا کہ ملزمین کو تین چار دن کے اندر گرفتار کرکے سخت ترین سزا دی جائے تاکہ دوبارہ کوئی ایسی شرمناک حرکت نہ کرے۔ ہم اس درگاہ کو دوبارہ بنا رہے ہیں، اس کے لیے ہمیں سیکیورٹی فراہم کی جائے۔'
یہ بھی پڑھیں: Paint The Shrine With Saffron: درگاہ کو بھگوا رنگ سے رنگ کر ماحول خراب کرنے کوشش
