سی بی آئی نے خصوصی عدالت سے ایم بی بی ایس کی طالبہ نمرتا ڈامور کی موت کے کیس کو بند کرنے کی گذارش کی ہے جبکہ اس معاملہ کو ویاپم گھوٹا لے سے جوڑکر دیکھا جارہا تھا اور اندور میڈیکل کالج کی طالبہ نمرتا ڈامور کی موت کو خودکشی قرار دیا گیا تھا۔
سی بی آئی نے اس معاملہ میں ازسرنو تفتیش کے بعد یہ فیصلہ کیا ہے۔
خصوصی پبلک پراسیکیوٹر رنجن شرما کے توسط سے سی بی آئی کے ڈپٹی سپرنٹنڈنٹ نے اس کیس کی حتمی خصوصی جوڈیشنل مجسٹریٹ ویجندر سنگھ راوت کے سامنے پیش کی اور عدالت سے کیس بند کرنے کی اپیل کی۔
واضح رہے کہ كائتھا تھانہ علاقے کے بھیروپورہ ریلوے ٹریک پر 7 جنوری 2012 کو نمرتا کی لاش مشتبہ حالات میں ملی تھی۔ پولیس نے پہلے اس معاملے میں قتل کا معاملہ درج کیا تھا اور محض 11 مہینے بعد پولیس نے اس معاملہ کو خودکشی قرار دیا تھا اور کیس بند کردیا گیا تھا۔ نمرتا اندور کے ایم جی ایم میڈیکل کالج کی طالبہ تھی اور یہ شک تھا کہ اس نے وياپم میں داخلہ کرانے والے گروہ کی مدد سے میڈیکل کالج میں داخلہ لیا تھا۔
