ستنا میں آسمانی بجلی گرنے سے دو بھائیوں سمیت تین افراد کی موت

اکشے کمار (24) مویشی چرانے گیا تھا۔ اس دوران وہ تیز بارش سے بچنے کے لئے ایک درخت کے نیچے کھڑا ہوگیا، جہاں بجلی گرنے سے اس کی موت ہوگئی۔'

ریاست مدھیہ پردیش کے ضلع ستنا میں آج شام آسمانی بجلی گرنے کے دو الگ الگ واقعات میں موٹرسائیکل سوار دو بھائیوں سمیت تین افراد کی موت ہوگئی۔

پولیس ذرائع کے مطابق 'پہلا واقعہ تھانہ امڈارہ علاقہ کے گاؤں بڈھانگر کا ہے، جہاں اکشے کمار (24) آسمانی بجلی گرنے سے ہلاک ہوگیا۔ وہ مویشی چرانے گیا تھا۔ اس دوران وہ تیز بارش سے بچنے کے لئے ایک درخت کے نیچے کھڑا ہوگیا، جہاں بجلی گرنے سے اس کی موت ہوگئی۔'

وہیں دوسرا واقعہ ضلع کے نادن تھانہ علاقہ کا ہے، جہاں دوبہی نامی گاؤں میں موٹرسائیکل پر جارہے دو بھائی آسمانی بجلی کی زد میں آگئے جس کی وجہ سے وہ جاں بحق ہوگئے۔

بتایا جاتا ہے کہ رجنیش پانڈے (24) اپنے ماموں زاد بھائی پرنس (12) کے ساتھ جارہے تھے کہ تب ہی آسمانی بجلی گر گئی جس سے دونوں کی موت ہوگئی۔