بھوپال: ریاست مدھیہ پردیش کے دارالحکومت بھوپال شہر کی پہچان مختلف جگہوں پر مختلف وجوہات کی بنا پر مختلف رہی ہے، اسی طرح بکرے بھی بھوپال شہر کی ایک خاص پہچان ہیں۔ بھوپال میں بکرے پالنے والوں کی ایک بڑی خاصیت یہ ہے کہ وہ بکریوں کو طرح طرح کی خوراک دیتے ہیں۔ جس کی وجہ سے بقر عید کے موقعے پر ملک بھر میں بھوپال کے بکروں کی بہت مانگ ہوتی ہے۔ ممبئی اور پونے تک کے لوگ بقرعید کے موقع پر قربانی کے لیے بھوپال سے بکرے لے جاتے ہیں۔ اس بار بھوپال میں سب سے بڑا بکرا جس کا نام کنگ تھا ایونٹ میں نمبر ون قرار پایا۔
بھوپال میں بقر عید یعنی عیدالاضحیٰ کے پیش نظر مسلم کمیونٹی کی بکروں کی خرید و فروخت شروع ہو گئی ہے۔ لوگوں کی جانب سے تہوار سے قبل اچھی نسل کے بکرے خریدنا شروع کر دیے گئے ہیں۔ وہیں بھوپال میں عیدالاضحیٰ کے لیے خاص بکرے تیار کیے جاتے ہیں۔ دارالحکومت بھوپال میں اس سال 176 کلو کا کنگ بکرا قربانی کے لیے تیار کیا گیا ہے۔ جس کی نمائش بھوپال میں کی گئی۔ اس بکرے کنگ کی خاص بات یہ ہے کہ جہاں بکرے کا وزن 176 کلو ہے۔ جسے ممبئی کے شخص انصار خان نے 12 لاکھ روپے میں خریدا ہے۔ فارم ہاؤس کے ڈائریکٹر سہیل احمد نے بتایا کہ وہ 8 ماہ قبل راجستھان کوٹا سے بکرا لائے تھے۔ انہوں نے بتایا کہ وہ اپنے فارم میں کنگ کو دوسرے بکروں سے الگ رکھتے تھے۔
یہ بھی پڑھیں:
کنگ بکرا کی خوراک کی بات کی جائے تو وہ بھی مختلف دی جاتی ہے۔ کنگ کو کھانے میں خاص قسم کے چنے، گندم، دودھ، کھجور اور شہد دیا جاتا ہے۔ یہی وجہ ہے کہ اسے کنگ نام دیا گیا ہے۔ سہیل خان نے کہا کہ وہ بھوپال میں بڑے بکروں کے شوقین لوگوں کی ایک بڑی تعداد ہے جو ہر سال بکرے تیار کرتے ہیں۔ اور ان تیار بکروں کو خرید نے کے لیے باہر سے خریدار آتے ہیں۔ اسی کے تحت کنگ کو بھی تیار کیا گیا ہے۔ جسے ممبئی کے انصار خان نے قربانی کے لیے 12 لاکھ روپے میں خرید لیا ہے۔
بھوپال میں بکروں کو تیار کرنے کی بات کی جائے تو بھوپال کے بکرے پالنے والے اپنے ہی کھیتوں کے ساتھ ساتھ گھروں میں بھی بکروں کو تیار کرتے ہیں۔ ان بکروں پر بھوپال کے بکرا تاجر سال بھر محنت کرتے ہیں۔ یہی وجہ ہے کہ عیدالاضحیٰ کے موقع پر ان بکروں کی موٹی اور اچھی قیمت انہیں مل جاتی ہے۔ واضح رہے کہ ریاست مدھیہ پردیش کے دارالحکومت بھوپال میں بڑی تعداد میں عیدالاضحیٰ کے موقع پر بکروں کو تیار کیا جاتا ہے اور ان کی نمائش بھی کی جاتی ہے۔ اس بار سہیل خان کا بکرا جو 176 کلو کا ہے اسے اس بار کنگ کا خطاب دیا گیا ہے۔
