کانگریس سے استعفیٰ دینے والے جیوتر آدتیہ سندھیا منگل کے شام بی جے پی میں شامل ہوں گے۔ ان کے بی جے پی میں شامل ہونے کے اعلان کے بعد سابق وزیر خارجہ نٹور سنگھ نے کہا کہ وہ اس بات سے حیران نہیں ہیں کہ جیوترادتیہ سندھیا نے کانگریس چھوڑ دی ہے۔
نٹور سنگھ نے کہا،' میں حیران نہیں ہوں کہ جیوترادتیہ سندھیا کانگریس چھوڑ بی جے پی شامل ہوں گے۔ مجھے لگتا ہے کہ بی جے پی کے ذریعے انہیں راجیہ سبھا بھیجا جائے گا۔'
انہوں نے کہا کہ اگر جیوترادتیہ کے والد مادھو راؤ آج زندہ ہوتے، تو وہ ملک کے وزیر اعظم ہوتے۔
نٹور سنگھ نے کہا کہ سندھیا قریب 19 برسوں سے سیاست کر رہے ہیں، بی جے پی کو ان کے تجربے کو ٹھیک سے استعمال کرنا ہوگا۔ وہ رکن پارلیمان اور وزیر رہے ہیں۔ انہوں نے مزید کہا کہ انہیں امید ہے کہ جلد ہی جیوترادتیہ سندھیا کو مرکزی وزیر بنایا جائے گا۔
غورطلب ہے کہ جیوترادتیہ سندھیا منگل کے روز کانگریس کے روز استعفیٰ دے دیا ہے۔ استعفیٰ کے بعد مدھیہ پردیش کی کمل ناتھ حکومت پر خطرہ پیدا ہو گیا ہے۔
