بھوپال : ریاست مدھیہ پردیش کے دارالحکومت بھوپال کے 5 مسلم کھلاڑیوں نے کولکاتا میں منعقد ہوئے تائیکانڈو نیشنل اوپن چیمپئن شپ میں تاریخ رقم کرتے ہوئے 2 گولڈ، 2 سلور اور ایک برانز میڈل جیت کر ملک و ملت کا نام روشن کیا۔اس موقع پر تمغہ یافتہ کھلاڑیوں کے کوچ سید شاداب حسین نے بتایا کہ ہم لمبے وقت سے بھوپال میں تائیکانڈو کی پریکٹس کر رہے ہیں۔ جب ہمیں کولکاتا میں تائیکانڈو اوپن چیمپئن شپ میں جانے کا موقع ملا تو ہمارے کھلاڑیوں نے اس کے لئے بہت محنت کی۔
انہوں نے کہاکہ کولکاتامیں منعقدہ چیمپئن شپ کے لئے ملک کی تقریبا سبھی ریاستوں سے تعلق رکھنے والے کھلاڑیوں حصہ لیا۔ لیکن ہمارے بھوپال کے ان پانچ کھلاڑیوں نے چمپئن شپ میں غیر معمولی کارکردگی کا مظاہرہ کیا اور کامیابی حاصل کی۔ان مقابلوں میں وزن کے حساب سے دو کھلاڑی آپس میں مقابلہ کرتے ہیں۔ ان مقابلوں میں کھلاڑیوں قد معنی نہیں رکھتا ہے بلکہ ان کی عمر اور وزن کے حساب سے مقابلے ہوتے ہیں۔
کوچ نے بتایا کی ہماری محنت اس وقت رنگ لائی جب بھوپال سے جتنے کھلاڑی کولکاتا تائیکانڈو چیمپئن شپ میں مقابلہ کے لئے گئے تھے ان سبھوں نے کامیابی حاصل کی جس میں ہمارے کھلاڑی حذیفہ نے گولڈ میڈل، زید حسن نے گولڈ میڈل، صوفیان نے سلور میڈل، سید عبداللہ حسین نے سلور میڈل اور دانیال خان نے براونز میڈل حاصل کیا۔
یہ بھی پڑھیں:World Boxing Championships نریندر ورلڈ چیمپئن شپ کے کوارٹر فائنل میں داخل، تھاپا ہارے
وہی کھلاڑیوں نے کہاکہ چمپئن شپ کے لئے جب ہم کولکاتا پہنچے تھوڑا ڈر لگ رہا تھا،لیکن نے اس کے لئے کافی محنت کی تھی۔ہماری محنت رنگ لائی اور چمپئن شپ میں تمغہ جیتنے میں کامیاب ہوئے۔ اب ہم انٹرنیشنل لیول پر مقابلوں میں حصہ لینے کی تیاری کر رہے ہیں، اور اللہ کی ذات سے امید ہے کہ ہم جلد ہی اولمپک بھی کھیلیں گے۔
