بھوپال: بی جے پی کی میٹنگ، سندھیا پر کوئی بحث نہیں

بھوپال بی جے پی کے صوبائی دفتر میں میٹنگ منعقد کی گئی جس پر سبھی کی نظریں تھیں لیکن اس میٹنگ میں کہا گیا کہ 'اس کا مقصد راجیہ سبھا الیکشن کے لیے لائحہ عمل طے کرنا تھا۔'

ریاست مدھیہ پردیش کے دارالحکومت بھوپال میں جس طرح سے کانگریس نے اپنی سیاسی ہلچل کے بعد میٹنگ منعقد کی۔ اسی طرح بھارتیہ جنتا پارٹی کے صوبائی دفتر میں بھی میٹنگ منعقد کی گئی جس میں پارٹی کے سبھی رہنما شامل تھے۔

کانگریس سے سندھیا کے استعفی کے بعد سب کو امید تھی کہ بھارتیہ جنتا پارٹی کی میٹنگ میں سندھیا کی بھارتیہ جنتا پارٹی میں شمولیت کا اعلان کیا جائے گا لیکن میٹنگ کے بعد بی جے پی کے سینیئر رہنما اور سابق وزیراعلی شیوراج سنگھ چوہان نے کہا کہ یہ میٹنگ راجیہ سبھا کی دونوں سیٹوں پر چرچہ کے لیے منعقد کی گئی تھی۔