مدھیہ پردیش میں ویکسین کی کمی کو چھپانے کی کوشش۔ کمل ناتھ

مدھیہ پردیش کے سابق وزیر اعلیٰ کمل ناتھ نے آج الزام لگایا کہ ریاست میں ویکسین کی کمی کو چھپانے کے لئے کوششیں کی جارہی ہیں۔

کانگریس پارٹی کے سینیئر رہنما کمل ناتھ نے ایک ٹوئیٹ کے ذریعے کہا کہ ریاست میں ویکسینیشن کے اصول دن بدن بدلتے جارہے ہیں۔

انہوں نے اپنے ایک ٹوئیٹ میں کہا کہ پہلے تو یہ کہا گیا تھا کہ اندراج لازمی نہیں ہے۔ اب یہ کہا جارہا ہے کہ اندراج کرنے والوں کو ترجیح دی جائے گی۔

انہوں نے الزام لگایا کہ یہ ساری دھوکہ دہی ویکسین کی کمی کو چھپانے اور عوام کو پریشان کرنے کے لئے کی جارہی ہے۔

یو این آئی