'عام بجٹ مایوس کن، مہنگائی بڑھے گی'

مدھیہ پردیش کے وزیراعلیٰ نے مرکزی حکومت کے بجٹ کو مایوس کن قرار دیتے ہوئے کہا کہ اس سے مہنگائی بڑھے گی اور اچھے دن سے اس کا کوئی سروکار نہیں ہے۔

کمل ناتھ نے اپنے ٹویٹ میں کہا کہ مودی حکومت کا عام بجٹ مایوس کن ہے۔ عوام خود کو ٹھگا ہوا محسوس کر رہے ہیں۔ پٹرول۔دیزل کی قیمتوں میں راحت کے بجائے انھیں مزید مہنگا کر دیا گیا۔

انہوں نے الزام عائد کیا کہ بجٹ میں 2022۔2024 میں سب کو گھر۔بجلی سمیت کئی سبز خواب دکھائے گئے ہیں۔ مڈل کلاس کو ٹیکس میں کوئی راحت نہیں دی گئی۔کسانوں کی آمدنی بڑھانے کےلیے ،انھیں قرض سے چھٹکارے کے لیے اس بجٹ میں کچھ نہیں ہے۔

کمل ناتھ نے کہا کہ بجٹ سے ترقی کی رفتار دھیمی ہوگی۔اس بجٹ کا اچھے دن سےکوئی سروکار نہیں۔