ریاست مدھیہ پردیش کے ضلع اندور میں کورونا کا قہر جارہ ہے، شہر اندور میں گزشتہ 24 گھنٹوں میں کے دوران کورونا کے 584 نئے کیسز سامنے آئے ہیں،تو وہیں اس دوران دو افراد کی موت درج کی گئی۔
کورونا کیسز کے مد نظر وزیر اعلیٰ شیوراج سنگھ چوہان نے 'میری سرکشا میرا ماسک' عنوان سے مہم کی شروعات کی۔
وہیں سرکاری اعداد و شمار کے مطابق گزشتہ 24 گھنٹوں کے دوران 4519 کورونا کے نمونوں کی جانچ کی گئی جس میں 584 کی رپورٹ مثبت ملی تو ہیں 3871 کی رپورٹ منفی آئی جبکہ دو اموات درج کی گئی۔
واضح رہے کہ اب تک 9 لاکھ چار ہزار 178 کورونا نمونوں کی جانچ کی جا چکی ہے جس میں سے 65957 کورونا سے متاثر ہوئے ہیں اور 949 کی اموات درج کی جا چکی ہے، تو وہیں 2533 مریض زیر علاج ہیں، جبکہ 299 مریض گزشتہ 24 گھنٹوں میں شفایاب ہوکر گھر روانہ ہو چکے ہیں۔
کورونا نوڈل افسر ڈاکٹر امیر ملک نے کہا کہ جب سے لاک ڈاؤن ختم ہوا ہے تب سے لوگ احتیاطی تدابیر کا سختی سے عمل نہیں کر رہے ہیں ان کا ملنا جلنا مزید بڑھ گیا ہے یہی وجہ ہے جس کی وجہ سے کورونا کیسز میں اضافہ ہوتا جا رہا ہے، لوگوں کو چاہیے کہ وہ کورونا احکامات کا عمل کریں۔
