گوالیار: 30 سی آر پی ایف اہلکار کورونا وائرس سے متاثر

گوالیار میں کورونا انفیکشن میں تیزی سے اضافہ ہو رہا ہے اور ایک کے بعد ایک نئے مریض پائے جا رہے ہیں۔

ریاست مدھیہ پردیش کے ضلع گوالیار کے پانیہار سی آر پی ایف کیمپ کے 30 اہلکار کورونا وائرس سے متاثر پائے گئے ہیں۔

اس کے بعد گوالیار میں کورونا سے متاثرہ مریضوں کی کل تعداد 2168 ہوگئی ہے۔

کورونا سے اب سنٹرل ریزرو پولیس فورس کا ٹریننگ سنٹر بھی متاثر ہو گیا ہے۔

گوالیار کے ’نیاگاؤں‘ میں واقع سی آر پی ایف کے تربیتی مرکز میں 30 جوانوں کو کورونا سے متاثر پائے گئے۔

اس کے بعد سی آر پی ایف سنٹر میں الرٹ جاری کردیا گیا ہے۔

سی آر پی ایف کیمپ میں انسپکٹرز ، سب انسپکٹر ، ہیڈ کانسٹیبل کو انفیکشن ہوگیا ہے۔

گوالیار میں 1566 مریض صحت یاب ہو کر اپنے گھروں کو واپس جا چکے ہیں۔ جب کہ 591 مریض ابھی بھی زیر علاج ہیں۔

وہیں ابھی تک ضلع میں کورونا انفیکشن کی وجہ سے 12 افراد کی موت ہوچکی ہے۔