شمالی کشمیر، ضلع کپواڑہ کے ہندواڑہ سے تقریبا 13کلومیٹر دور پہلدجی گاؤں میں ایک کنویں کی صفائی کے دوران زہریلی گیس خارج ہونے سے دو بھائی سمیت تین افراد کی دم گھٹنے سے بے ہوش ہوگئے۔
ذرائع کے مطابق پہلدجی گاؤں میں اپنے گھر پر ہی ایک کنویں کی صفائی کرنے کے لیے دو بھائی کنویں میں اترے تھے لیکن کنویں سے زہریلی گیس خارج ہونے کی وجہ سے دونوں بھائی محمد رفیق شیخ اور شبیر احمد شیخ ولد سبحان شیخ کنویں میں ہی بے ہوش ہوگئے اور جب ان کی مدد کے لیے امتیاز احمد کنویں میں گیا تو وہ بھی بے ہوش ہوگیا۔
ان تینوں کو بے ہوشی کی حالت میں کنویں سے نکالنے کے فورا بعد رشتہ داروں نے قریب کے ہیلتھ سینٹر میں منتقل کرایا جہاں پر ڈاکٹروں نے بہتر علاج کے لیے انہیں ضلع اسپتال ہندواڑہ منقتل کردیا۔
ڈاکٹر اعجاز احمد نے بے بتایا کہ تینوں بچوں کو علاج شروع کردیا گیا ہے اور ان کی حالت خطرے سے باہر ہے۔
