مرکز کے زیر انتظام جموں و کشمیر کے کپواڑہ میں گذشتہ روز ہوئی موسلا دھار بارش کے سبب کھہی پورہ گاؤں میں پانی گھس گیا۔ مسلسل ہو رہی بارش کی وجہ سے عوام کو کافی مشکلات کا سامنا کرنا پڑ رہا ہے۔
کپواڑہ: موسلا دھار بارش کے سبب عوام پریشان
گھروں کے اندر پانی گھس جانے کی وجہ سے لوگوں کی مشکلات میں مزید اضافہ ہو گیا ہے۔
اس معاملے پر مقامی شمیم احمد کا کہنا ہے کہ علاقے کے نالوں کو گزشتہ کئی سالوں سے صاف نہیں کیا گیا ہے، جس کے نتیجے میں ندی کے نزدیک کے رہائشی مکانوں میں پانی گھس گیا، جس کی وجہ سے گھروں میں رکھا سامان بھی تباہ ہو گیا۔
انہوں نے محکمہ ارگیشن پر الزام لگاتے ہوئے کہا کہ محکمہ کے افسران کو کئی بار اس بارے میں بتایا گیا لیکن انہوں نے اس طرف کوِئی توجہ نہیں دی۔
