تفصیلات کے مطابق ضلع کے دردسن علاقے سے تعلق رکھنے والے 75 سالہ شخص کا کورونا وائرس ٹیسٹ پازیٹیو پایا گیا تھا، انہیں 4 جولائی کو سرینگر جے وی سی ہسپتال میں داخل کرایا گیا تھا، تاہم آج وہ انتقال کر گئے۔
پرنسپل جے وی سی ڈاکٹر ریاض احمد انتو نے بتایا کہ 'متوفی نمونیا، ہائپرٹینشن اور ذیابیطس جیسے امراض میں مبتلا تھے۔'
کورونا وائرس کا خوف، کشمیری طلباء بیرون ملک جانے سے گریزاں
اس سے قبل آج صبح سے وادی میں کورونا وائرس سے تین اموات ہوئی تھیں، جن میں سرینگر سے دو جبکہ ایک کا تعلق اننت ناگ سے تھا۔
ان چار اموات کے ساتھ ہی وادی کشمیر میں کورونا سے مرنے والوں کی تعداد 144 ہوگئی ہے جبکہ جموں میں 15 افراد کورونا وائرس کی وجہ سے ہلاک ہوئے ہیں۔
ضلع سرینگر میں کورونا وائرس کی وجہ سے سب سے زیادہ 41 افراد کی موت ہوئی ہے جبکہ دوسرے نمبر پر بارہمولہ ہے جہاں کورونا وائرس سے 31 افراد کی موت ہوئی ہے۔
