ذرائع نے بتایا کہ نوگام سیکٹر میں ایل او سی پر پاکستانی فوج نے جمعہ کے روز بھارتی چوکیوں کو نشانہ بنا کر بلا اشتعال فائرنگ شروع کردی، تاہم کسی بھی جانی و مالی نقصان کی کوئی اطلاع موصول نہیں ہوئی ہے۔ انہوں نے کہا کہ وہاں تعینات بھارتی فوج نے اس حملے کا بھر پور جواب دیا۔
واضح رہے کہ بھارت اور پاکستان کے مابین نومبر 2003 میں لائن آف کنٹرول پر جنگ بندی کا معاہدہ ہوا تھا۔ اس کے بعد بھی دونوں ممالک ایک دوسرے پر معاہدے کی خلاف ورزیوں کے الزامات عائد کرتے رہے ہیں۔ رواں برس کے دوران اب تک ایل او سی پر طرفین کے مابین گولہ باری اور فائرنگ کے تبادلے کے زائد از دو ہزار واقعات رونما ہوئے ہیں۔
