اینٹی کرپشن بیورو نے جونیئر انجینئر کو رشوت لیتے ہوئے رنگے ہاتھوں گرفتار کیا ۔The J&K Anti-Corruption Bureau
اینٹی کرپشن بیورو (اے سی بی ) کشمیر نے منگل کے روز سرحدی ضلع کپواڑہ کے رولر ڈیلوپمنٹ ڈپارٹمنٹ بلاک ترہگام میں تعینات جونیئر انجینئر کو 8 ہزار روپیہ کی رشوت لیتے ہوئے رنگے ہاتھوں دھر دبوچ کر سلاخوں کے پیچھے دھکیل دیا۔ JE Caught Taking Bribe in Kupwara District
اے سی بی کے ایک ترجمان نے بتایا کہ ایک سائل نے اینٹی کرپشن بیرو میں شکایت درج کی کہ رولر ڈیلوپمنٹ ڈپارٹمنٹ بلاک ترہگام کپواڑہ میں تعینات جونیئر انجینئر غلام حسن اُس سے بل تیار کرنے کی خاطر آٹھ ہزار روپیہ کی رشوت طلب کر رہا ہے۔Engineer Arrested for Accepting Bribe
انہوں نے بتایا کہ سائل نے الزام لگایا کہ مذکورہ جونیئر انجینئر بل کو تیار کرنے میں لیت ولعل کا مظاہرہ کررہا ہے ۔
ترجمان کے مطابق شکایت موصول ہوتے ہی اے سی بی نے اس ضمن میں ایف آئی آر زیر نمبر 6/2022 کے تحت کیس درج کرکے تحقیقات شروع کی۔ACB arrests JE of RDD
چنانچہ اینٹی کرپشن بیورو نے ایک ٹیم تشکیل دے کر منگل کے روز جال بچھایا اور جونیئر انجینئر غلام حسن کو آزاد گواہوں کی موجودگی میں آٹھ ہزار روپیہ کی رشوت لیتے ہوئے رنگے ہاتھوں دبوچ کر سلاخوں کے پیچھے دھکیل دیا۔
یہ بھی پڑھیں : Patwari Arrested in QaziGund: قاضی گنڈ میں رشوت لیتے ہوئے پٹواری گرفتار
اُن کے مطابق راشی جونیئر انجینئر سے رشوت کی رقم بھی ضبط کی گئی ہے۔
