بیک ٹو ولیج پروگرام کے تحت آج ضلع کولگام کے چھمبہ گنڈ علاقے میں عوامی رابطہ مہم کا ایک پروگرام منعقد ہوا جس میں ڈی سی کولگام شوکت اعجاز بٹ، کنزرویٹر فارسٹ ساوتھ توحید دیوا، ڈی ایف او کولگام سید وسیم گل کے علاوہ پنچایتی راج کے نمائندوں، مقامی باشندوں اور ملازمین نے شرکت کی۔
اس دوران مقامی عوام نے اپنے مسائل و پریشانیاں افسران کو بتائیں اور انہوں نے متعلقہ افسران سے لوگوں کی پریشانیوں کو حل کرنے کی ہدایت کی۔
موجودہ وقت میں بیک ٹو ولیج پروگرام کا یہ تیسرا مرحلہ جاری ہے، اس دوران لوگوں کی یہ بھی شکایتیں ہیں کہ انہوں نے بیک ٹو ولیج پہلے اور دوسرے مرحلے میں جو اپنے مسائل پیش کیے تھے، ابھی تک وہ مسائل و پریشانیاں حل نہیں ہوئیں۔
یہ بھی پڑھیے
آیوشمان بھارت کے تحت گولڈن کارڈ بنانے کا عمل جاری
اس کے ساتھ ساتھ کئی علاقے ایسے بھی ہیں جہاں لوگوں نے بیک ٹو ولیج پروگرام کا بائیکاٹ کیا ہے، لوگوں کا کہنا ہے کہ انتظامیہ کی طرف ان کی کوئی شنوائی نہیں ہے۔
