تیندوے کے حملے میں کمسن لڑکا ہلاک

وادی کشمیر میں اکثر و بیشتر جنگلی جانوروں کے حملوں کی خبریں آتی ہیں جس میں ہلاکتیں بھی ہوتی ہیں۔

جنوبی کشمیر کے ضلع کولگام کے سب ضلع دمحال ہانجی پورہ کے منزگام علاقے میں جنگلی جانوروں کے زد میں ایک سات سالہ لڑکا آگیا۔

منزگام دمحال میں اس وقت کہرام مچ گیا جب سات سالہ عمان فاروق ولد فاروق احمد کو ایک خونخوار تیندوے نے شام ڈھلتے ہی اپنے ہی صحن میں نشانہ بنایا۔

آگرچہ بچے نے کافی چیخ و پکار کی۔

لیکن تب تک خونخوار تیندوے نے عمان فاروق کو اس قدر لہولہان کردیا تھا کہ عمان ہسپتال پہنچنے سے پہلے ہی موت کی آغوش میں چلا گیا جس کی وجہ سے پورے علاقے میں ماتم چھا گیا۔