کولگام میں سابق اخوانی کمانڈر ہلاک

جنوبی کشمیر کے ضلع کولگام میں نامعلوم بندوق برداروں نے سابق اخوانی کمانڈر کو گولی مار کر ہلاک کر دیا ہے۔

تفصیلات کے مطابق کولگام کے فڈا میر بازار علاقے میں نامعلوم مسلح افراد نے سابق اخوان کمانڈر 58 سالہ عبدالرشید ڈار ولد غلام حسن پر گولیاں چلائی جس کے نتیجے میں وہ شدید زخمی ہوا ہے۔ ڈار کو اگر چہ جی ایم سی اننت ناگ لایا گیا تاہم وہ زخموں کی تاب نہ لاکر دم توڑ بیٹھا ہے۔

ذرائع کے مطابق ڈار سابق ایس پی بانڈی پورہ کا ذاتی محافظ رہا ہے۔

فورسز نے علاقہ کو محاصرہ میں لے کر حملہ آوروں کی تلاش شروع کی ہے۔

رپورٹ کے مطابق چند سال قبل ان کے بیٹے کو اسی مقام پر ہلاک کردیا گیا تھا۔