کولگام میں پولیس اہلکار رائفل سمیت لاپتہ

جنوبی کشمیر کے ضلع کولگام میں پولیس اہلکار اپنی سروس رائفل سمیت لاپتہ ہوگیا ہے۔

پولیس ذرائع نے بتایا کہ کولگام میں ایک ایس پی او منگل روز سے اپنی سروس رائفل سمیت لاپتہ ہوگیا ہے۔

لاپتہ اہلکار کی شناخت ذاکر حسین ملک (بیلٹ نمبر 967A) ولد محمد سکندر ملک کے بطور ہوئی ہے۔ ان کا تعلق ضلع کے یاری پورہ علاقے سے ہے۔

انہوں نے بتایا کہ لاپتہ اہلکار کو تلاش کرنے کی کوششیں جاری ہیں۔ واضح رہے کہ جنوبی کشمیر میں گزشتہ برسوں کے دوران اس طرح کے متعدد واقعات پیش آئے ہیں۔