سر کوٹ کے مقامی شخص سُریش کمار شرما نے بتایا کہ سرکوٹ گوری شنکر مندر کے بالکل پاس سے پوچھال جانے والی سڑک کی خستہ حالی سے معمولی بارش کے بعد گندہ پانی لوگوں کے گھروں میں چلا جاتا ہے جس کی وجہ سے انہیں کافی مشکلات کا سامنا پڑتا ہے۔
سڑک کی خستہ حالی سے عوام پریشان
انہوں نے کہا کہ اس تعلق سے ضلع انتظامیہ کو کئی بار بتایا جا چکا ہے لیکن اس سلسلے میں ابھی تک کسی بھی قسم کی کوئی ٹھوس کارروائی نہیں ہوئی ہے۔
مقامی دکانداروں کا کہنا ہے کہ انہوں نے متعدد مرتبہ ضلع انتظامیہ کو اس بارے میں شکایت کی ہے کسی طرح کی کوئی شنوائی نہیں ہو رہی ہے۔
سرکوٹ تا پوچھال کے لوگوں نے کشتواڑ کے ڈپٹی کمشنر اشوک شرما سے مطالبہ کیا کہ اس سڑک کی مرمت کے ساتھ ساتھ ڈرین بھی بنایا جائے تا کہ بارش کے ایام مین پریشانیوں کا سامنا نہ کرنا پڑے۔
