کانگریس صدر راہل گاندھی لوک سبھا انتخاب کے لیے پرچہ داخل کرنے وایاناڈ پہنچے تھے۔ یہاں پرچہ داخلہ سے قبل ان کے روڈ شو کے دوران بیریکیڈنگ ٹوٹنے سے 3 صحافی زخمی ہو گئے۔
راہل کے روڈ شو میں بڑی تعداد میں کانگریس کارکنان اور مقامی لوگ ان کے استقبال کے لیے سڑک کنارے جمع ہوئے تھے۔ اسی دوران راہل گاندھی کے انتخابی رتھ سے آگے چل رہے ٹرک کی بیریکیڈ ٹوٹ گئی اور ٹرک پر سوار صحافی نیچے گر کر زخمی ہو گئے۔
چلتے ٹرک سے صحافیوں کے گرنے کے بعد موقع پر افرا تفری مچ گئی۔ حادثے کے بعد راہل فورا زخمی صحافیوں کے پاس پہنچے اور ان سے ان کا حال چال لیا۔ راہل صحافیوں کو امبلینس تک لے کر چلے گئے۔ زخمی صحافیوں میں خاتون صحافی بھی شامل تھیں۔
اس پورے معاملے کا ویڈیو سوشل میڈیا پر کافی وائرل ہوا تھا۔
کانگریس صدر راہل گاندھی کیرل کی وایاناڈ لوک سھبا انتخاب سے پرچہ داخل کرنے پہنچے تھے۔ پرچہ داخل کرنے کے بعد راہل گاندھی اور ان کی بہن پرینکا گاندھی نے دیگر رہنماؤں کے ساتھ روڈ شو کیا۔
