2024 کے انتخابات میں بی جے پی واحد سب سے بڑی پارٹی بن کر ابھرے گی: ششی تھرور

Shashi Tharoor's Prediction کانگریس کے سینئر لیڈر ششی تھرور کا ماننا ہے کہ 2024 کے لوک سبھا انتخابات میں بھی بی جے پی ہی سب سے بڑی پارٹی بن کر ابھرے گی۔ تھرور کے مطابق اس مرتبہ اپوزیشن کے پاس موقع ہے کہ وہ بی جے پی کی سیٹوں کو کم کر سکتی ہے۔

کوزی کوڈ: اس بات پر زور دیتے ہوئے کہ 2024 کے لوک سبھا انتخابات میں بی جے پی واحد سب سے بڑی پارٹی بن کر ابھرے گی، کانگریس لیڈر ششی تھرور نے کہا کہ اس بات کا امکان ہے کہ موجودہ حکومت کی سیٹوں کو کم کیا جا سکتا ہے۔ انہوں نے کہا، "میں سختی سے محسوس کرتا ہوں کہ انہیں اس سطح تک نیچے لایا جا سکتا ہے جہاں کئی ممکنہ اتحادی ان کے ساتھ شامل ہونا نہیں چاہتے ہیں۔"

کوزی کوڈ کے ساحل پر منعقدہ کیرالہ لٹریچر فیسٹیول (KLF) کے دوران خطاب کرتے ہوئے، سیاست دان مصنف نے کہا کہ، یہ اہم نہیں ہے کہ انڈیا بلاک کو تمام ریاستوں میں مکمل معاہدہ کرنا چاہیے۔ انڈیا بلاک کے ممبروں کے درمیان سیٹوں کی تقسیم کے معاملے پر بات کرتے ہوئے، تھرور نے ممکنہ شکست کو روکنے کے لیے لیے زیادہ سے زیادہ ریاستوں میں بہتر انتظامات کی امید ظاہر کی۔

کیرالہ اور تمل ناڈو کا حوالہ دیتے ہوئے، انھوں نے مثال دی کہ، " یہاں (کیرالہ) پر سی پی ایم اور کانگریس سیٹوں کی تقسیم پر متفق ہونے کا تصور کرنا مشکل ہے، تاہم، تمل ناڈو میں سی پی آئی، سی پی ایم، کانگریس، اور ڈی ایم کے ایک ساتھ ہیں اور وہاں کوئی تنازعہ نہیں"۔ انہوں نے کہا کہ انہوں نے پچھلا الیکشن ایک ساتھ لڑا تھا اور امکان ہے کہ یہ بھی لڑیں گے۔

• And a wonderfully engaged reading public! #KeralaLitFest pic.twitter.com/z1YaD8o0hl

  — Shashi Tharoor (@ShashiTharoor) January 14, 2024 " class="align-text-top noRightClick twitterSection" data="

  And a wonderfully engaged reading public! #KeralaLitFest pic.twitter.com/z1YaD8o0hl

  — Shashi Tharoor (@ShashiTharoor) January 14, 2024

  ">

  And a wonderfully engaged reading public! #KeralaLitFest pic.twitter.com/z1YaD8o0hl

  — Shashi Tharoor (@ShashiTharoor) January 14, 2024

انہوں نے کہا کہ عوام کو اس حقیقت سے آشنا کرنا ضروری ہے کہ ان کے حلقے سے بہترین امیدوار کا انتخاب کیا جائے۔ "سب کو معلوم ہونا چاہئے کہ وارانسی کے لوگ ہی (نریندر) مودی کو ووٹ دے سکتے ہیں۔ ٹھیک ہے، اگر دوسری جگہوں پر، وہ صرف اس بات کو یقینی بنانے کے لیے ووٹ دینا چاہتے ہیں کہ مودی وزیر اعظم بنیں، یہ مکمل طور پر ان کی مرضی ہے۔ تاہم، لوگوں کو یہ سوچنے کی ضرورت ہے کہ کیا وہ ایک موثر منتظم چاہتے ہیں جو ان کے علاقے کے لیے اچھا ہو۔"

(آئی اے این ایس)