یادگیر میں آج بھارت بند کے ضمن میں احتجاجی ریلی نکالی گئی۔ مختلف مزدور یونین اور سماجی تنظیموں کی جانب سے نیو بس اسٹینڈ تا سبھاش چوک تک احتجاجی ریلی نکالی گئی جس میں کئی بڑی تعداد میں عوام نے شرکت کی اور مرکزی حکومت کی عوام دشمن پالیسیوں کے خلاف احجاج کیا۔
ریلی کو مختلف ٹریڈ یونین اور دیگر سماجی تنظیموں کے ذمہ داروں نے شرکت کی اور خطاب کیا۔ اس موقع پر آل انڈیا ٹریڈ یونین کانگریس، آل انڈیا یونائٹیڈ ٹریڈیونین سنٹر یادگیر کے ذمہ داراوں نے عوام مخالف پالیسیوں پر تشویش کا اظہار کیا اور مرکزی حکومت کی جانب سے متعدد شعبہ جات کو خانگیانہ کی مخالفت کی۔ انہوں نے کہا کہ مرکزی حکومت کی پالیسیوں سے ملک کمزور ہو رہا ہے جس کے خطرناک نتائج برآمد ہوں گے۔
انہوں نے مرکزی حکومت سے کسانوں اور عام عوام کی بھلائی کے لیے سنجیدگی اقدامات کرنے کا مطالبہ کرتے ہوئے کہا کہ اگر مرکزی حکومت اپنی من مانی کو جاری رکھے گی تو اس کے خلاف سخت احتجاج کیا جائے گا۔ انہوں نے کہا کہ حکومت کی کسان مخالف پالیسیوں سے ملک کا کسان پریشان اور فکر مند ہے۔ اس موقع پر ٹریڈ یونینوں، فلاحی تنظیموں کے علاوہ عوام خاص کر خواتین کی کثیر تعداد موجود تھیں۔
واضح رہے کہ مرکزی حکومت کی پالیسیوں کے خلاف ٹریڈ یونینوں نے 26 نومبر کو بھارت بند کا اعلان کیا تھا جبکہ آج ملک بھر میں مختلف ٹریڈ یونینوں کی جانب سے ہڑتال منائی جارہی ہے۔
