کرناٹک کے ضلع یادگیر میں مختلف کسان حامی تنظیموں اور کسان مورچے نے مشترکہ طور پر پریس کانفرنس کرتے ہوئے 27 ستمبر کو بند منانے کا اعلان کیا ہے۔
کسان تنظیموں نے 27 ستمبر کو بند منانے کا اعلان کیا
اس موقع پر کسان کھیتی سنگھ کے ضلع جنرل سیکریٹری محمد جمال نے میڈیا سے بات کرتے ہوئے کہا کہ مرکزی حکومت پچھلے نو مہینوں سے کسانوں کے مطالبات کو ان دیکھا کررہی ہے۔
ملک کے دارالحکومت دہلی میں کسان پچھلے نو مہینوں سے اپنے مطالبات کو لے کر احتجاج کررہے ہیں۔ باوجود اس کے مرکزی حکومت کسانوں سے بات کرنے اور ان کے مسائل کو حل کرنے کی طرف غیر سنجیدہ ہے۔
زرعی قوانین کےسلسلے میں احتجاج کررہے کسانوں میں کئی لوگوں نے اپنی جان گنوائی ہے۔ کسان مخالف پالیسیوں کے سلسلے میں27 ستمبر کو جو ملک گیر بند منایا جارہا ہے اس بند کو ضلع کے تمام مختلف کسان حامی تنظیموں کی مکمل تائید حاصل ہے۔
