Is the Bulldozer Operation only for Muslims: اگنی پتھ احتجاجیوں پر بلڈوزر کارروائی کیوں نہیں؟ مولانا مقصود عمران کا سوال

ملک کی کئی ریاستوں میں اگنی پتھ اسکیم Agnipath Scheme کے خلاف مظاہرے ہورہے ہیں۔ اس دوران کئی ریاستوں سے تشدد کی خبریں بھی موصول ہورہی ہیں۔ کئی اضلاع میں مشتعل نوجوانوں نے ٹرینوں میں آگ لگادی اور کئی بسوں میں توڑ پھوڑ کی۔ کہا جارہا ہے کہ کیا بلڈوزر کی کارروائی ان شرپسندوں پر بھی ہوگی یا بلڈوزر کی کارروائی صرف مسلمانوں کے لیے ہے؟ Is the Bulldozer Operation only for Muslims

بنگلورو: حال ہی میں بی جے پی لیڈر نُپور شرما کی جانب سے توہین رسالت کے متنازعہ بیان کی مخالفت میں ملک بھر میں احتجاجات کیے گئے اور خاص طور پر ریاست اتر پردیش میں اس احتجاجی ریلی میں شرکت کرنے کے الزام میں ویلفیئر پارٹی کے رہنما جاوید، جو کہ جے این یو طلبا رہنما آفرین کے والد ہیں، کے گھر کو بغیر کوئی پروسیجر فالو کیے ان کے گھر پر بلڈوزر چلا کر اسے زمین دوز کردیا گیا. اور دوسری جانب بھارتیہ جنتا پارٹی کی مرکزی حکومت کی جانب سے لائی گئی اگنی پتھ اسکیم کی مخالفت میں شمالی ہند میں پرتشدد احتجاجات کیے جارہے ہیں۔ Why not Bulldoze on Agneepath Protesters

اس سلسلے میں بات کرتے ہوئے بنگلور کے معروف عالم دین مولانا مقصود عمران رشادی نے سوال کیا کہ جب توہین رسالت کے خلاف احتجاج کرنے والوں کے گھروں پر بلڈوزر چلایا گیا اور انہوں نے سوال کیا کہ شمالی ہند کی ریاستوں کی بی جے پی حکومتوں کی جانب سے اگنی پتھ کے احتجاجیوں کے گھروں پر بل ڈوزر کی کارروائی کیوں نہیں؟