اردو تنظیم 'محفل نساء' سی اے اے کے خلاف میمورنڈم پیش کرے گی

ریاست کرناٹک کی معروف تنظیم محفل نسأ جو اردو زبان کی خدمات کے لیے جانی جاتی ہے، آج تنظیم کی جانب سے شہریت ترمیم قانون کے خلاف آواز اٹھاتے ہوئے ایک پریس کانفرنس منعقد کی گئی۔

بنگلور پریس کلب میں منعقد پریس کانفرنس کے اختتام کے بعد تنظیم کے اراکین نے ای ٹی وی بھارت سے خصوصی بات چیت کی۔

تنظیم کے اراکین نے بتایا کہ شہریت ترمیم قانون آئین کے خلاف ہے اور اس سلسلے میں وہ ایک وفد کی شکل میں دار الحکومت دہلی پہونچ کر صدر جمہوریہ کو شہریت ترمیمی قانون (سی. اے. اے) کے خلاف ایک میمورنڈم پیش کریں گے۔