یادگیر کے تماپور میں متعدد علمی و ادبی شخصیت پیدا ہوچکی ہیں۔
تنہا تماپور ی انہی میں سے ایک تھے۔
ریاست کرناٹک کے مشہور و معروف شاعر تنہا تمہاری کے شعری تصانیف میں چھلنی چھلنی سائباں، سویرے سے پہلے، کہکشاں وغیرہ شامل ہے۔
وہ انگریزی زبان کے معلم تھے تاہم اردو ادب کے لیے جو خدمات انجام دی ہے وہ قابل قدر ہیں۔
تنہا تماپوری کی اپنی اہلیہ نے ای ٹی وی بھارت سے بات کرتے ہوئے بتایا کہ تنہا صاحب ہر وقت مطالعہ کرتے تھے ان کو کتابوں سےبے پناہ عشق تھا۔
انھوں نے مزید کہا کہ ان کے متعدد شاگرد آج بھی ادبی دنیا میں اپنی منفرد شناخت رکھتےہیں۔
انہوں نے کہا کہ حکومت یا کسی بھی ادبی تنظیم کی جانب سے ان کی کوئی مدد نہیں کی گئی ہے۔
اس موقع پر نوجوان شاعر اطہر تماپور ی نے کہا کہ تنہا تما پوری نے آزاد نظموں میں اپنی ایک منفرد شناخت بنائی ہے۔ ان کی آزاد نظموں کو سامعین دلچسپی سے سنتے اور محظوظ ہوتے تھے۔
ٹیپو سلطان یوتھ کمیٹی کے ریاستی صدر ارشد دکنی نے کہا کہ تنہا تماپور ی جہاں انگریزی زبان کے معلم تھے وہیں اردو کے بھی معروف شاعر تھے۔
مزید پڑھیں:راہگیروں کو لوٹنے والا گینگ بے نقاب
انھوں نے کہا کہ تنہا تماپوری نے علم اور ادب کے لئے اپنی پوری زندگی وقف کردی تھی۔
انہوں نے سماج میں اردو کی فروغ، ہندومسلم بھائی چارہ، اور لوگوں کو علم حاصل کرنے پر زور دیا تھا۔
ارشد دکنی نے ریاستی حکومت اور کرناٹک اردو اکیڈمی سے گزارش کی ہے کہ تنہا تماپور ی کے نام سے طالبات کے لیے ایوارڈ جاری کریں۔
اس کے علاوہ انھوں نے رکن اسمبلی شورا پور راجو گوڈا سے بھی اپیل کی ہے کہ تنہا تما پوری کے نام سے تما پور میں ایک اردو گھر بنایا جائے ۔
