ریاست کرناٹک میں گذشتہ 15 دنوں سے کورونا وائرس سے متاثرین کی تعداد میں مسلسل اضافہ ہو رہا ہے۔
کرناٹک میں کورونا متاثرین کی تعداد 40 ہزار سے زائد ہو چکی ہے۔
ریاستی حکومت نے کورونا متاثرین کی تعداد دیکھتے ہوئے کرناٹک کے کل 12 اضلاع میں لاک ڈون نافذ کر نے کا فیصلہ کیا ہے۔
ان میں بنگلور، گلبرگہ، بلاری، رایئچور، یادگیر، بیدر، دھارواڑ، داونگرے، شموگہ، اترکنڑا وغیرہ شامل ہیں۔
حکومت نے دارالحکومت بنگلور میں لاک ڈون کر نے کے بعد گذشتہ تین دنوں سے عوام کو راحت دی گئی ہے۔
گلبرگہ کی عوام نے الزام لگایا ہے کہ انہیں انتظامیہ کی جانب سے لاک ڈاون کی مکمل جانکاری نہین دی گئی، اس لیے لاک ڈاؤن کے تئیں عوام کنفیوزن کا شکار ہوگئی۔
اس کی وجہ یہ تھی کہ یہاں لاک ڈاؤن ہو بھی سکتا تھا اور نہیں بھی۔
تاہم ریاست کے وزیراعلیٰ بی ایس یدیورپا نے کے ویڈیو کانفرنس کے ذریعے گلبرگہ ضلع افسران سے میٹنگ کی اور اس کے بعد 13 جولائی 2020 کی شب کے نوبجے سے 20 جولائی2020 تک کے لیے لاک ڈاؤن نافذ کروا دیا ہے۔
آج 14 جولائی گلبرگہ میں لاک ڈون ہونے کے باوجود بھی عوام سڑکوں پر نظر آئی۔
مزید پڑھیں:ارریہ: اجگر پل کا خواب کب شرمندہ تعبیر ہوگا؟
گلبرگہ کے جگت سرکل تما پوری سرکل، درگاہ، روڈ، سوپاری مارکیٹ روڈ میں ٹرافک جام بھی دیکھا گیا۔
تاہم یہاں تمام تجارتی مرکز بند رہے۔
مقامی افراد کا کہنا ہے کہ انہیں لاک ڈاؤن کی پہلے سے اطلاع نہیں دی گئی، اس لیےراستوں میں ٹریفک نظر آ رہا ہے۔
