ریاست کرناٹک کے ضلع یادگیر میں دو دن سے ہو رہی مسلسل بارش کی وجہ سے عوام کو مشکلات کا سامنا کرنا پڑ رہا ہے۔
ہتی کونی ڈیم میں بارش کا پانی زیادہ مقدار میں جمع ہونے کی صورت میں ڈیم سے پانی چھوڑا گیا جس کی وجہ سے کئی نالوں میں پانی کے بہاؤ میں اضافہ دیکھا جا رہا ہے۔
گاؤں سے شہروں کو جوڑنے والے پل مسدود ہوگئے۔ یادگیر سے چامنلی اور دوسرے دیہاتوں کو جانے والی سڑک کا پل پوری طرح بارش میں ڈوبنے کے باعث بند ہوگیا ہے۔ گاوں جانے والے لوگوں کو پانی اترنے کا انتظار ہے۔
پل کے دونوں جانب کئی مرد اور خواتین بارش کا بہتا ہوا پانی کے نکاسی کا بے صبری سے انتظار کر رہے ہیں تاکہ وہ اپنے اپنے گاؤں جا سکے۔بتایا گیا ہے کہ ہر سال بارش میں اسی طرح شہر سے آنے جانے والے مختلف گاؤں کے لوگوں کو اس پریشانی کا سامنا کرنا پڑتا ہے۔
یہ بھی پڑھیں:بنگلور: گئو کشی بل کسان مخالف ہے، کسان رہنماؤں کی برہمی
