ریاست کرناٹک میں گزشتہ 12 برسوں سے بزم ترابیہ کی جانب سے "سروہ دھرم سدبھاونا سمیلن" کا انعقاد کیا جا رہا ہے۔ رواں سال بھی ہندو، مسلم، عیسائی، سکھ، جین مذاہب کے پیشواؤں نے بزم ترابیہ کے بینر تلے منعقدہ اجلاس میں شرکت کی اور ملک بھر کے باشندوں کو امن کا پیغام دیا.
اس موقع پر اجلاس میں مذہبی رہنماؤں نے کہا 'معاشرے میں امن و بھائی چارگی کے فروع کے لئے یہ اشد ضروری ہے کہ دھرم گرو متحد رہیں اور عوام کی رہبری کریں'۔
اس موقع پر بزم ترابیہ کے چیئرمین سید شاہ زین العابدین نے صوفیا، مشائخ و علما کرام سے اپیل کی 'وہ اپنے خوان خواہوں و اداروں میں سرو دھرم پروگرامس کا انعقاد کر کے پیعام امن کو عام کریں اور فسطائی و فرقہ پرست طاقتوں کے نفرت بھرے ایجنڈے کو ناکام کریں'۔
یہ بھی پڑھیے
مغربی بنگال اسمبلی انتخابات: 'عوام تبدیلی چاہتی ہے، ہم بدلیں گے تصویر'
اجلاس میں کئی اہم شخصیات کو مختلف میدانوں میں نمایاں خدمات انجام دینے کے صلے میں بزم ترابیہ کی جانب سے ایوارڈس سے نوازا گیا. وہیں فیلکن گروپ آف انسٹیٹیوشنز کے ڈائریکٹر عبد السبحان کو تعلیمی میدان اور سیدا زینب ایجوکیشن فاؤنڈیشن کے صدر عطیق احمد کو "روبرو" شادیوں کے پروگرامز منعقد کرانے کے اعتراف میں ایوارڈس سے نوازا گیا۔
