ریلی کی قیادت بہوجن سماج پارٹی کے ضلع صدر تجمل حسین نے کی جبکہ اس موقع پر ریاستی نائب صدر واسو نے میڈیا سے خطاب کرتے ہوئے ’اترپردیش میں اجتماعی جنسی زیادتی کا شکار دلت لڑکی کو انصاف دلانے اور ملزمین کو سخت سزا دینے کا مطالبہ کیا‘۔
انہوں نے کہا کہ اترپردیش میں پیش آئے واقعہ کے خلاف یادگیر میں احتجاجی ریلی نکالی گئی اور ملزمین کو سخت سزا دینے کا مطالبہ کیا گیا۔ احتجاجی ریلی سبھاش چوک سے ڈپٹی کمشنر آفس تک نکالی گئی اور اس تعلق سے صدرجمہوریہ کو یادداشت روانہ کی گئی۔
واسو نے مزید کہا کہ اترپردیش میں ہوئے واقعہ کی رپورٹنگ کرنے سے میڈیا کو روکا جارہا ہے اور صحافت کو دبانے کی کوشش کی جارہی ہے۔ انہوں نے کہا کہ اس واقعہ کے خلاف سماج وادی پارٹی کی جانب سے ملک بھر میں احتجاجی مظاہرے کئے جارہے ہیں۔ احتجاجی ریلی میں شاہ پور، شورا پور اور گرمٹکل کے سماج وادی کارکنوں نے شرکت کی۔
