سوشل ڈیموکریٹک پارٹی آف انڈیا کے ریاستی خازن سید اسحاق خالد نے میڈیا سے بتایا کہ ریاستی حکومت یادگیر ضلع کے تعلقہ شاہ پور کے مطالبات کو نظر انداز کر رہی ہے۔ Demand for bypass road in Shahpur
انہوں نے کہا کہ مقامی قائدین کے بار بار مطالبہ کے باوجود ریاستی حکو مت شاہ پور کے لیے (رنگ روڈ) بائی پاس روڈ کی منظوری نہیں دے رہی ہے۔ شاہ پور گاوں کے درمیان سے نیشنل ہائی وے گزرنے کی وجہ سے یہاں آئے دن حادثات پیش آرہے ہیں،ہر سال یہاں پر حادثات میں اضافہ ہو رہا ہے۔
سید اسحاق خالد نے ریاستی حکومت سے اپیل کرتے ہوئے کہا کہ شاہ پور میں رنگ روڈ بائی پاس روڈ کی جلد از جلد کاروائی شروع کریں۔
کرناٹک:شاہ پورمیں بائی پاس روڈ کا مطالبہ
انہوں نے کہا کہ ریاستی حکومت اگر شاہ پور میں رنگ روڈ کا کام شروع نہیں کرتی ہے تو نیشنل ہائی وے جو شاہ پور کے درمیان سے گزرتی ہے اس کو بند کرکے زبردست احتجاج کیا جائے گا۔
