اس تربیتی کیمپ میں مولانا مفتی محمد آصف الدین قاسمی مالک لبیک حج سوسائٹی حیدرآباد، مولانا محمد عتیق احمد قاسمی ناظم جامعہ گلشن خیرالنساء ظھیر آباد اور مولانا مفتی نعیم الدین قاسمی نے شرکت کی۔
ایک روزہ حج تربیتی کیمپ
مولانا محمد آصف دین قاسمی نے اس تربیتی پروگرام میں خطاب کرتے ہوئے کہا کہ عازمین حج زیادہ سے زیادہ پیدل چلنے کی عادت ڈالیں، چونکہ حج کا مقدس سفر طویل ہے اس سے مناسک حج ادا کرنے میں آسانی ہوگی۔
انہوں نے کہا کہ عازمین حج اپنا پورا وقت عبادت اور اللہ کی رضا میں گزاریں۔
اس موقع پر دیگر علمائے کرام نے بھی عازمین حج کو پیش آنے والے مسائل پر تفصیلی خطاب کیا اور عازمین حج کے ضروری مسائل پر رہنمائی کرتے ہوئے مناسک حج و عمرہ پر تفصیلی روشنی ڈالی اور عازمین حج کو ضروری ہدایات دیں۔
