بنگلورو: مرکزی وزیر داخلہ امت شاہ نے کہا ہے کہ جموں و کشمیر کے سابق گورنر ستیہ پال ملک کو ایک مبینہ انشورنس بدعنوانی کی تحقیقات کے حصے کے طور پر مرکزی تفتیشی بیورو نے تیسری بار طلب کیا ہے اور نوٹ کیا کہ سمن اور بی جے پی کی زیر قیادت حکومت کے خلاف ان کے الزامات کا کوئی تعلق نہیں ہے۔ امت شاہ نے کہا کہ بی جے پی حکومت نے ایسا کوئی کام نہیں کیا جسے لوگوں سے چھپانے کی ضرورت ہے۔ انہوں نے کہا کہ اگر ذاتی یا سیاسی مفادات کے لیے کچھ ریمارکس کیے جاتے ہیں تو ان کے ساتھ بھی ایسا ہی سلوک کیا جانا چاہیے۔ میری معلومات کے مطابق انہیں دوسری یا تیسری بار طلب کیا گیا ہے۔ تحقیقات جاری ہیں کچھ نئی معلومات یا ثبوت سامنے آئے ہوں گے اور اس لئے انہیں تیسری بار طلب کیا گیا ہے۔ انہوں نے انڈیا ٹوڈے کے زیر اہتمام کرناٹک گول میز کانفرنس میں کہا کہ اس میں کوئی صداقت نہیں ہے کہ انہیں ہمارے خلاف بولنے کے لیے طلب کیا گیا ہے۔
.
بی جے پی زیرقیادت حکومت کے خلاف ملک کے الزامات کا حوالہ دیتے ہوئے شاہ نے کہا کہ ان سے پوچھا جانا چاہئے کہ بی جے پی کو چھوڑنے کے بعد یہ باتیں ان کے ذہن میں کیوں آئی ہیں۔ جب آپ اقتدار میں ہوتے ہیں تو روح کیوں بیدار نہیں ہوتی… ایسے ریمارکس کی ساکھ عوام کو اور صحافیوں کو دیکھنا چاہیے… اگر یہ سب سچ ہے تو جب وہ گورنر تھے تو وہ خاموش کیوں تھے… یہ عوامی بحث کے ایشوز نہیں ہیں۔ انہوں نے کہا کہ میں ملک کے لوگوں سے کہنا چاہتا ہوں کہ بی جے پی کی قیادت والی حکومت نے ایسا کوئی کام نہیں کیا جسے چھپانے کی ضرورت ہے۔ اگر ہمیں چھوڑنے کے بعد ذاتی یا سیاسی مفاد کے لیے کچھ ریمارکس کیے جاتے ہیں، تو اس کا اندازہ لوگوں اور میڈیا کو کرنا چاہیے۔
مزید پڑھیں:۔ Satyapal Malik Interview یوگی آدتیہ ناتھ کا وزیر اعظم بننا ملک کیلئے افسوسناک ہوگا، ستیہ پال ملک
ستیہ پال ملک کو جموں و کشمیر کا گورنر مقرر کرنے کے فیصلے کے بارے میں ایک اور سوال کا جواب دیتے ہوئے شاہ نے کہا کہ وہ بی جے پی میں طویل عرصے سے کام کر چکے ہیں اور پارٹی کے سابق نائب صدر بھی تھے۔ بتادیں کہ ستیہ پال ملک نے جمعہ کو کہا کہ انہیں مرکزی تفتیشی بیورو (سی بی آئی) نے جموں و کشمیر میں مبینہ بیمہ بدعنوانی معاملہ کے بارے میں وضاحت دینے کے لیے طلب کیا ہے۔
