شیواجی نگر حلقہ گزشتہ 35 برسوں سے کانگریس پارٹی کا گڑھ ہے اور کانگریس کے سابق رہنما روشن بیگ اس حلقہ سے رکن اسمبلی منتخب ہوتے رہے۔
گزشتہ ماہ کرناٹک میں بڑا سیاسی ڈرامہ ہوا تھا جس بی جے پی نے ارکان اسمبلی کو بغاوت کروا کر اپنی پارٹی میں شامل کر کے اقتدار حاصل کیا تھا۔
اس وقت 17 ارکان اسمبلی نے کانگریس اور جے ڈی ایس سے بغاوت کی تھی جس کے نتیجہ میں یہ ضمنی انتخابات ہوئے۔
ان ضمنی انتخابات میں شیواجی نگر حلقہ اسمبلی بھی تھا جہاں سے کانگریس کے امیدوار رضوان ارشد نے زبردست کامیابی حاصل کی۔
رضوان ارشد نے 49887 ووٹ حاصل کئے جبکہ ان کے مدمقابل بی جے پی کے امیدوار سراون کو 36367 ووٹ ملے۔
اس سلسلے میں کانگریس کے سینیئر رہنما ضمیر احمد خان نے ای ٹی وی بھارت سے بات کرتے ہوئے بتایا کہ 'رضوان ارشد کی کامیابی عوام کے اتحاد کا ثمرہ ہے جبکہ ریاست میں دیگر جگہوں پر بی جے پی نے پیسوں کے زور پر کامیابی حاصل کی ہے۔
اس موقع پر رضوان ارشد کی اہلیہ نجیحہ نے ای ٹی وی بھارت کو بتایا 'وہ اس کامیابی کو شیواجی نگر کی عوام کی کامیابی تصور کرتی ہیں۔
واضح رہے رضوان ارشد کانگریس کے دوسرے امیدوار ہیں جنہوں نے اس ضمنی انتخابات میں جیت حاصل کی ہے۔
