اطلاعات کے مطابق کملیش تیواری قتل معاملے میں شبہے کی بنیاد پر ہبلی شہر کے ارویند نگر کے محمد جعفر صادق نامی شخص کو پولیس نے حراست میں لیا ہے۔
گرفتار شدہ شخص ہبلی میں محکمہ ریلوے کے ورکشاپ میں کام کرتا تھا۔
ریاست کرناٹک میں اب تک کملیش تیواری قتل معاملے میں شک کی بنیاد پر دو افراد کو حراست میں لیا گیا ہے۔اس سے قبل گلبرگہ کے تبریز حسینی کو گرفتار کیا گیا۔
قابل ذکر ہے کہ اس قتل کیس میں اے ٹی ایس اور یوپی پولیس نے دو ملزمین کی تصویریں جاری کی ہیں۔ان میں ایک کا نام اشفاق حسین اور دوسرے کا نام پٹھان معین الدین ہے۔
اس قتل کیس میں تاحال گجرات سے تین اور یوپی سے دولوگوں کو گرفتار کیا گیا ہے۔
اس کے علاوہ یوپی کے بجنورکے دو مولاناؤں کے بھی مبینہ کردار کی بھی جانچ کی جارہی ہے۔
سنہ 2015 میں ان دونوں مولانا نے پیغمبراسلام کی شان میں گستاخی کرنے پر کملیش تیواری کا سرقلم کرنے والوں کوڈیڑھ کروڑروپئے انعام دینےکا اعلان کیا تھا۔
